విద్యార్థులకు ఇమ్యూనిటీ కిట్ల పంపినినీ ప్రారంభించిన ఎంపీపీ జల్లిపల్లి..

మన్యం న్యూస్, అశ్వరావుపేట, మార్చి 21

అశ్వరావుపేటలోని స్థానిక ప్రభుత్వ బాలికల హై స్కూల్ నందు మంగళవారం పదవ తరగతి విద్యార్థినిలకు ఇమ్యూనిటీ కిట్లను పంపిణీ కార్యక్రమాన్ని అశ్వారావుపేట మండల ప్రజా పరిషత్ అధ్యక్షులు జల్లిపల్లి. శ్రీరామమూర్తి ప్రారంభించారు. ఈ సందర్భంగా వారు మాట్లాడుతూ తెలంగాణ రాష్ట్ర ప్రభుత్వం విద్యార్థుల కొరకు అనేక రకాల సదుపాయాలను అందుబాటులోకి తీసుకొస్తుందని దానిలో భాగంగానే విద్యార్థులు ఆరోగ్యంగా మానసికంగా ఉల్లాసంగా ఉండాలని, ఆయుష్ అనే కార్యక్రమంలో బాగంగా ఈ ఇమ్యూనిటీ కిట్లను విద్యార్థులకు అందజేస్తున్నామని, ఈ కార్యక్రమానికి తెలంగాణ రాష్ట్ర వైద్య ఆరోగ్య శాఖ మంత్రి తన్నీరు హరీష్ రావు 50 లక్షల రూపాయలు ప్రత్యేక నిధులను కేటాయించాలని ఈ ఇమ్యూనిటీ కిట్లలో రాగి లడ్డు అలాగే ఇమ్యూనిటీ పౌడర్ ను అందిస్తున్నారని దీనివలన విద్యార్థులకు జ్ఞాపకశక్తి మెరుగుపరుస్తుందని అలాగే అనేక రకాల అనారోగ్య సమస్యల నుండి దూరం చేస్తుందని తెలిపారు. ఈ కార్యక్రమంలో హోమియోపతి డాక్టర్, పాఠశాల ప్రధానోపాధ్యాయులు, ఉపాధ్యాయులు తదితరులు పాల్గొన్నారు.