మన్యం న్యూస్,ఇల్లందు..:ఇల్లందు ఏరియా సింగరేణి ఎస్.సి లైజనింగ్ ఆఫీసర్గా ఇల్లందు ఏరియా జేకె ఉపరితల గని నందు విధులు నిర్వహిస్తున్న ఎగ్జిక్యూటివ్ ఇంజనీర్ కన్నురి శ్రీనివాసరావు ఎంపికయ్యారు.ఈ మేరకు సింగరేణి యాజమాన్యం జారీచేసిన ఉత్తర్వులను ఇల్లందు ఏరియా జీయం యం.షాలెంరాజు ఆదివారం జియం కార్యాలయంలో కన్నూరి శ్రీనివాసరావుకు అందజేశారు. ఈ సందర్భంగా ఎస్.సి లైజనింగ్ ఆఫీసర్ గా నియామక ఉత్తర్వులను అందుకున్న కన్నూరి శ్రీనివాసరావు మాట్లాడుతూ… సింగరేణిలో ఆర్వోఆర్ అమలు, రోస్టర్ పాయింట్ల వెరిఫికేషన్, అధికారులు, కార్మికుల పదోన్నతులకై కృషి చేస్తానని అన్నారు. అలాగే వివిధ విభాగాలలో , ఏరియా గనులలో బ్యాక్లాగ్ పోస్టుల భర్తీ కొరకు యాజమాన్యం దృష్టికి తీసుకెళ్ళి సమస్యలను పరిష్కరిస్తానని తెలిపారు. తన ఎంపికకు కృషి చేసిన యాజమాన్యానికి మరియు ఎస్.ఇ అసోషియేషన్ సభ్యులకు కృతజ్ఞతలు తెలియజేసారు.ఈ కార్యక్రమంలో ఏరియా సేఫ్టీ ఆఫీసర్ పి.శ్రీనివాసు, డిజియం(పర్సనల్) జీవి.మోహనరావు, తదితరులు పాల్గొన్నారు.
