- బీఆర్ఎస్ ఎమ్మెల్యే వనమాపై అనర్హత వేటు
- .. తెలంగాణ హైకోర్టు సంచలనం తీర్పు
- కొత్తగూడెం ఎమ్మెల్యే ఇక జలగం వెంకట్రావే
- సంచలన తీర్పు ఇచ్చిన తెలంగాణ హైకోర్టు
(ప్రత్యేక ప్రతినిధి, మన్యంన్యూస్ )
కొత్తగూడెం ఎమ్మెల్యే వనమా వెంకటేశ్వరరావుపై తెలంగాణ హైకోర్టు అనర్హత వేటు వేసింది. ఎమ్మెల్యే పదవికి ఆయనను అనర్హుడిగా ప్రకటించింది. వనమా వెంటకటేశ్వరావు గత ఎన్నికల్లో తప్పుడు అఫిడవిట్ సమర్పించినట్లు హైకోర్టు నిర్ధారించింది. ఆయనను అర్హుడిగా ప్రకటించడంతో పాటు తప్పుడు అఫిడవిట్ ప్రకటించినందుకు రూ.5 లక్షల జరిమానా విధిస్తూ హైకోర్టు మంగళవారం తీర్పు వెలువరించింది. వనమా వెంకటేశ్వరరావుపై ఓడిపోయిన సమీప అభ్యర్థి జలగం వెంకట్రావును ఎమ్మెల్యేగా హైకోర్టు ప్రకటించింది. వనమా వెంకటేశ్వరరావు ఎన్నికల చెల్లదని, డిసెంబర్ 12, 2018 నుంచి జలగం వెంకట్రావును ఎమ్మెల్యేగా పరిగణిస్తూ హైకోర్టు డిక్లేర్ చేసింది. గత ఎన్నికల్లో కొత్తగూడెం నుంచి కాంగ్రెస్ తరపున ఎమ్మెల్యేగా వనమా గెలవగా.. ఆ తర్వాత బీఆర్ఎస్‌లోకి జంప్ అయ్యారు. బీఆర్ఎస్ నుంచి జలగం వెంకట్రావు పోటీ చేసి ఓడిపోయారు. అయితే వనమా ఎన్నికల్లో తప్పుడు అఫిడవిట్ సమర్పించారని, ఆయనను ఎమ్మెల్యేగా అనర్హుడిగా ప్రకటించారంటూ గతంలో జలగం వెంకట్రావు హైకోర్టును ఆశ్రయించారు. కొన్నేళ్లుగా వెంకట్రావు పిటిషన్‌పై హైకోర్టులో విచారణ జరుగుతోంది. విచారణ పూర్తయిన అనంతరం ఇవాళ వనమాను అనర్హతుడిగా ప్రకటిస్తూ హైకోర్టు సంచలన తీర్పు ఇచ్చింది.
