కొత్త కొండపురం గ్రామం సమస్యలను పరిష్కరించండి. సింగరేణి జీఎం కు వినతి:ఆదివాసి సేన మణుగూరు కమిటీ

• కొత్త కొండపురం గ్రామం సమస్యలను పరిష్కరించండి.
• సింగరేణి జీఎం కు వినతి:ఆదివాసి సేన మణుగూరు కమిటీ

మన్యం న్యూస్ మణుగూరు:ఆగష్టు 12

మణుగూరు లోని సింగరేణి ప్రభావిత ప్రాంతమైన కొత్త కొండపురం గ్రామంలో ఉన్న సమస్యలను పరిష్కరించాలని ఆదివాసి సేన మణుగూరు కమిటీ సభ్యులు సింగరేణి జీఎంకు వినతి పత్రం అందజేశారు.ఈ సందర్బంగా వారు మాట్లాడుతూ,సింగరేణి వారు నిర్మించిన సోలార్ ప్లాంట్ వల్ల,వర్షం వస్తే నీరు ఇళ్లల్లోకి చేరడంతో ప్రజలు ఇబ్బంది పడుతున్నారని,అలాగే కరెంటు స్తంభాలు ఐరన్ కావడంతో వర్షాకాలం విద్యుత్ షాక్కు గురయ్యే ప్రమాదం ఉందన్నారు.రైతులు పొలాల లోకి వెళ్లడానికి రహదారి నిర్మించాలని,అలాగే సింగరేణి ఓబి డంపింగ్ వల్ల చిన్నపాటి వర్షానికి సైతం గాంధీనగర్,కుంకుడు చెట్ల గుంపు,ప్రాంతాలు ముంపు కి గురవుతున్నాయని తెలియజేశారు.ఈ సమస్యలపై సానుకూలంగా స్పందించిన సింగరేణి యాజమాన్యం వాటిని త్వరలోనే పరిష్కరిస్తామని తెలియజేయడం జరిగింది అని వారు తెలిపారు.అనంతరం ఇటీవల బదిలీపై వచ్చిన ఎస్ఓ టూ జీఎం వీసం కృష్ణయ్య ను ఆదివాసి సేన కమిటీ సభ్యులు మర్యాదపూర్వకంగా కలిసి, ఎస్ఓ టూ జీఎం ని సన్మానించారు.ఈ కార్యక్రమంలో ఆదివాసి సేన రాష్ట్ర కార్యదర్శి కొమరం.అనిల్ కుమార్ న్యాయవాది,ఆదివాసి సేన అధ్యక్షులు గనిబోయిన ముత్తయ్య,మండల కన్వీనర్ సోడే రవికుమార్ దొర,వైస్ ప్రెసిడెంట్ కోడి నాగరాజు,కార్యదర్శి పూణెం నాగరాజు,గనిబోయిన నాగేశ్వరరావు,మండారి కృష్ణ,పాయం అఖిల్ తదితరులు పాల్గొన్నారు.