తెలంగాణ పీజీ ఉమ్మడి ప్రవేశ పరీక్ష కు నోటిఫికేషన్ విడుదలైంది. ఈ నోటిఫికేషన్ ను ఉన్నత విద్యామండలి కార్యాలయంలో విడుదల చేశారు. అర్హులైన విద్యార్థులు ఈ నెల 18 నుంచి జూన్ 17 వరకు ఆన్ లైన్ లో దరఖాస్తు చేసుకునే అవకాశం కల్పించారు. రూ. 500 ఆలస్య రుసుముతో జూన్ 25 వరకు, రూ. 2 వేల ఆలస్య రుసుముతో జూన్ 30 వరకు అప్లై చేసుకోవొచ్చని టీఎస్ సీపీ గెట్ కన్వీనర్ ప్రొ. పాండురంగారెడ్డి తెలిపారు. సీపీ గెట్ ప్రవేశ పరీక్షలను ప్రాథమికంగా జులై 5 నుంచి నిర్వహించే అవకాశమున్నట్లు ఆయన పేర్కొన్నారు. అయితే, ఈ పరీక్షను ఉస్మానియా విశ్వవిద్యాలయం నిర్వహిస్తున్న విషయం విధితమే.
కాగా, సీపీ గెట్ పరీక్ష ద్వారా రాష్ట్రంలో ఉన్నటువంటి ఓయూ, కేయూ, శాతవాహన, తెలంగాణ, పాలమూరు, మహాత్మాగాంధీ, తెలంగాణ మహిళా విశ్వవిద్యాలయం, జేఎన్ టీయూహెచ్ యూనివర్సిటీల్లో పీజీ మరియు ఐదేళ్ల ఇంటిగ్రేటెడ్ కోర్సుల్లో ప్రవేశాలు కల్పించనున్నారు.
