దాల్చినచెక్కతో బ్రెడ్ పుడ్డింగ్ ఏంటి అనుకుంటున్నారా? అయితే కొన్ని ఆరోగ్య ప్రయోజనాల కోసం దాల్చిన చెక్క తినమని ఆయుర్వేద నిపుణులు చెప్తారు. అయితే మీరు దాల్చిన చెక్కను సపరేట్గా తీసుకోలేకపోతుంటే.. దాల్చినచెక్క బ్రెడ్ పుడ్డింగ్ని కచ్చితంగా తీసుకోవచ్చు. ఇది టేస్ట్తో పాటు.. కొన్ని ఆరోగ్య ప్రయోజనాలు కూడా మీకు అందిస్తుంది.
మరి దీనిని ఎలా తయారు చేయాలో.. కావాల్సిన పదార్థాలు ఏమిటో ఇప్పుడు తెలుసుకుందాం. కావాల్సిన పదార్థాలు * బ్రెడ్ ముక్కలు – 2 కప్పులు * చక్కెర – ఒకటిన్నర కప్పు * గుడ్లు – 3 * పాలు – 1 కప్పు * దాల్చినచెక్క పౌడర్ – 1 టీస్పూన్ * నెయ్యి – కొంచెం దాల్చిన చెక్క బ్రెడ్ పుడ్డింగ్ తయారీ విధానం ముందుగా బేకింగ్ ట్రేను వెన్నను పూసి పక్కన పెట్టండి. బ్రెడ్‌ను ముక్కలను ట్రేలో ఒక లైన్‌లో పొరలుగా వేయండి. ఇప్పుడు ఒక గిన్నెలో 3 గుడ్లు, పంచదార, దాల్చిన చెక్క పొడిని వేసి బాగా కలపండి. దీనిని బ్రెడ్ ముక్కలపై పోసి.. బ్రెడ్ అన్నింటినీ పీల్చుకునే వరకు అలాగే ఉంచండి. అనంతరం దానిని బంగారు గోధుమ రంగులోకి, క్రిస్పీగా మారే వరకు బేక్ చేయండి. దీనిని వైట్ క్రీమ్, బ్లాక్ కాఫీతో సర్వ్ చేసుకోవచ్చు.
