వ్యాయామం తర్వాత తెలియకుండా శరీరం కొంచెం అలసిపోతుంది. అయితే కొన్ని ఆరోగ్యకరమైన స్నాక్స్‌తో మిమ్మల్ని మీరు శక్తివంతం చేసుకోవచ్చు అంటున్నారు నిపుణులు. తీవ్రమైన వ్యాయామ సెషన్ తర్వాత.. మీ శరీరం కోలుకోవడానికి సమయం, సరైన పోషకాహారం చాలా అవసరం. ఇది ఎక్కువగా మీరు జిమ్‌కి వెళ్లిన తర్వాత లేదా శారీరక శ్రమలో మునిగిపోయిన తర్వాత ఏమి, ఎప్పుడు ఎలాంటి ఫుడ్ తింటారు అనే దానిపై ఆధారపడి ఉంటుంది. అయితే జిమ్ తర్వాత.. మీరు తినగలిగే.. శీఘ్ర, సులభంగా లభించే, పోషకాలు పుష్కలంగా ఉండే స్నాక్స్‌ల జాబితా ఇక్కడ ఉంది ఓ లుక్కేయండి. కాటేజ్ చీజ్ కాటేజ్ చీజ్ లేదా పనీర్ కేవలం ప్రోటీన్లతో సమృద్ధిగా ఉండటమే కాకుండా మంచి మొత్తంలో నీటిని కలిగి ఉంటుంది. వీటిలో 80% నీరు ఉంటుంది. కాటేజ్ చీజ్‌ను తినడం ద్వారా.. మీరు ఫిట్‌నెస్ సెషన్‌లో కోల్పోయే శరీర ద్రవాలను పునరుద్ధరించడంలో సహాయపడవచ్చు. కొన్ని పండ్లతో కలిపి ఈ రుచికరమైన చిరుతిండిని అల్పాహారంగా కూడా తీసుకోవచ్చు
. ఇది మీ కడుపు నిండుగా ఉండేలా చేస్తుంది. తద్వారా మీరు అనారోగ్యకరమైన చిరుతిండిని నివారించవచ్చు. గ్రీక్ యోగర్ట్ గ్రీక్ యోగర్ట్ మీరు తీసుకోగలిగే అత్యంత అనుకూలమైన పోస్ట్-వర్కౌట్ స్నాక్స్‌లలో ఒకటి. కొవ్వు లేని సాదా గ్రీకు యోగర్ట్ 1 స్పూన్లో 17 గ్రాముల ప్రోటీన్‌ను అందిస్తుంది. అదనంగా ఇది రోజువారీ కాల్షియం అవసరాలలో 20% కూడా అందిస్తుంది. ఇది వ్యాయామం చేసేటప్పుడు మనకు చెమట పట్టినప్పుడు తరచుగా పోతుంది. మీరు దీన్ని మరింత ఆరోగ్యంగా, కడుపు నిండుగా ఉండేలా తీసుకోవాలి అంటే.. తాజా బెర్రీలతో కలిపి తినేయండి. ఉడకబెట్టిన గుడ్లు ఉడికించిన గుడ్లు వర్కౌట్ తర్వాత అద్భుతమైన రికవరీ ఫుడ్గా చెప్పవచ్చు. దీనిలోని లూసిన్ పుష్కలంగా ఉందని నమ్ముతారు. ఇది మీ కండరాల జీవక్రియ, పునరుద్ధరణ, పెరుగుదలను పెంచడంలో సహాయపడే ఒక అమైనో ఆమ్లం. దీనితో పాటు కార్బోహైడ్రేట్లు కూడా చాలా తక్కువగా ఉంటాయి. ఇవి భారీ వ్యాయామం తర్వాత తినడానికి మరింత అనుకూలంగా ఉంటాయి. చిలగడదుంపలు చిలగడ దుంపల్లో సంక్లిష్ట కార్బోహైడ్రేట్లు, విటమిన్లు A, C, B6తో నిండి ఉంటాయి. అంతే కాదు ఇవి మంచి మొత్తంలో డైటరీ ఫైబర్, కాల్షియం, మెగ్నీషియంను కలిగి ఉన్నాయి. ఇవన్నీ మీ ఎముకలు, మీ కండరాలను బలంగా ఉంచుతాయి. కాల్చిన, ఉడికించిన దుంపలతో.. మీకు నచ్చిన విధంగా.. వాటిని స్నాక్స్గా మార్చుకోవచ్చు.
