గుమ్మడికాయతో పాటు దీనిలో ఉండే గింజలు కూడా తినదగినవే. గుమ్మడి గింజల్లోనూ అద్భుతమైన పోషకాలు ఉంటాయి. చాలా ఏళ్లుగా గుమ్మడి గింజలను కొన్ని రకాల అనారోగ్య సమస్యలకు చికిత్స కోసం కూడా ఉపయోగిస్తూ వస్తున్నారు. గుమ్మడికాయ గింజల్లో ప్రోటీన్, అసంతృప్త కొవ్వు ఆమ్లాలు, విటమిన్లు, ఖనిజాలు పుష్కలంగా ఉంటాయి, ఇవి క్యాన్సర్ సహా వివిధ దీర్ఘకాలిక వ్యాధుల ప్రమాద కారకాలను తగ్గిస్తాయి. పావుకప్పు గుమ్మడి గింజలు తిన్నాసరే, అవి మీ శరీరాన్నికి అధిక స్థాయిలో అవసరమైన విటమిన్లు, ఖనిజాలను అందిస్తాయి. అయితే వీటిలో కేలరీలు కూడా ఎక్కువగా ఉంటాయి, కాబట్టి ఆరోగ్యకరమైన బరువును కలిగి ఉండటానికి పరిమితంగా తినడం మంచిది. Pumpkin Seeds Health Benefits- గుమ్మడి గింజలు తినడం వల్ల కలిగే ఆరోగ్య ప్రయోజనాలు గుమ్మడి గింజల వల్ల కలిగే ఆరోగ్య ప్రయోజనాలు ఏమిటో ఇప్పుడు తెలుసుకుందాం. ఆర్థరైటిస్ నుంచి ఉపశమనం: గుమ్మడికాయ గింజల్లో యాంటీ ఇన్‌ఫ్లమేటరీ గుణాలు ఉంటాయి, ఇవి ఆర్థరైటిస్ నొప్పిని తగ్గించడంలో సహాయపడతాయి. కీళ్ల నొప్పులను తగ్గించేందుకు ఇదొక మంచి హోం రెమెడీ అని చాలా అధ్యయనాలు రుజువు చేశాయి.
సంతానోత్పత్తి సామర్థ్యం: పురుషుల సంతానోత్పత్తి సమస్యలను తగ్గించడంలో జింక్ చాలా అవసరమయ్యే ఒక పోషకం. గుమ్మడి గింజల్లో అధిక స్థాయిలో జింక్ ఉంటుంది, ఇది స్పెర్మ్ నాణ్యతను కూడా మెరుగుపరుస్తుంది. ఇందులోని వివిధ రకాల యాంటీఆక్సిడెంట్లు టెస్టోస్టెరాన్ స్థాయిలను మెరుగుపరుస్తాయి. పునరుత్పత్తి సామర్థ్యం పెరుగుతుంది. రోగనిరోధక శక్తికి: గుమ్మడి గింజల్లో అధిక స్థాయిలో యాంటీఆక్సిడెంట్లు, ఫైటోకెమికల్స్ ఉంటాయి. ఇవి రోగనిరోధక శక్తిని పెంచడంలో ప్రయోజనకరంగా ఉంటాయి. లావు తగ్గాలనుకునే వారు కూడా పమితంగా గుమ్మడి గింజలను తింటూ ఉంటే ఫలితం కనిపిస్తుంది. వీటిని తినడం ద్వారా కడుపును చాలా సమయం పాటు నిండుగా ఉంచుతుంది. మంచి నిద్ర కోసం: గుమ్మడికాయ గింజలలో మంచి మొత్తంలో సెరోటోనిన్ ఉంటుంది, ఇది ఒక రకమైన న్యూరోకెమికల్. కాబట్టి ఇది సహజమైన మత్తుమందుగా పనిచేస్తుంది. గుమ్మడి గింజల్లో ఉండే అమినో యాసిడ్ ట్రిప్టోఫాన్ సెరోటోనిన్‌గా మారి మంచి నిద్రను ప్రోత్సహిస్తుంది. కొలెస్ట్రాల్‌ నియంత్రణ: గుమ్మడి గింజల్లో ఉండే మోనోశాచురేటెడ్ ఫ్యాటీ యాసిడ్స్ శరీరంలోని చెడు కొలెస్ట్రాల్‌ని తగ్గించి మంచి కొలెస్ట్రాల్‌ను పెంచుతాయి. అలాగే ఇందులోని మెగ్నీషియం కంటెంట్ రక్తపోటును అదుపులో ఉంచడంలో సహాయపడుతుంది. జుట్టు పెరుగుదలకు: గుమ్మడి గింజల్లో ఉండే కుకుర్బిటాసిన్ అనే అమినో యాసిడ్ జుట్టు పెరుగుదలకు బాగా సహాయపడుతుంది. గుమ్మడికాయ గింజల నూనెను సమయోచితంగా లేదా ప్రతిరోజూ వినియోగించవచ్చు. క్యాన్సర్ ముప్పు దూరం: గుమ్మడి గింజల వినియోగం కడుపు, ఊపిరితిత్తులు, రొమ్ము, పెద్దప్రేగు, ప్రోస్టేట్ క్యాన్సర్ ప్రమాదాన్ని తగ్గిస్తుంది. గుమ్మడికాయ గింజలు తినడం వల్ల మెనోపాజ్ తర్వాత మహిళల్లో రొమ్ము క్యాన్సర్ వచ్చే ప్రమాదాన్ని కూడా తగ్గిస్తుంది. మధుమేహం నియంత్రణ: గుమ్మడి గింజలు శరీరంలోని ఆక్సీకరణ ఒత్తిడిని తగ్గించడం ద్వారా రక్తంలో చక్కెర స్థాయిలను నియంత్రించడంలో సహాయపడతాయి. కాబట్టి మధుమేహ వ్యాధిగ్రస్తులు గుమ్మడి గింజలను తీసుకోవడం మంచిది. గుమ్మడి గింజలను నేరుగా తినవచ్చు, స్మూతీస్‌లలో కలుపుకోవచ్చు, సలాడ్‌కి అదనపు క్రంచ్ కోసం, సూప్‌లు, స్వీట్లు, వంటకాలపై అలంకరించవచ్చు. ఇలా చాలా రకాలుగా మీరు గుమ్మడి గింజలు తినవచ్చు.
