నందమూరి నటసింహం, సినీ హీరో బాలకృష్ణ ఐపిఎల్ క్రికెట్ కామెంటేటర్‌గా కొత్త అవతారం ఎత్తబోతున్నాడు. మార్చి 31 నుంచి ప్రారంభం కానున్న ఐపీఎల్ 2023 స్టార్ స్పోర్ట్స్ తెలుగు కామెంటేటర్ గా బాలయ్య తెలుగు ప్రేక్షకులను అలరించబోతున్నాడు. ఐపీల్‌ ప్రారంభోత్సవం రోజు మ్యాచ్‌ కామెంటరీ అందించబోతున్నాడు. సీనియర్ నటుడిగా కోట్లాది మంది ప్రజలను తన నటనతో ఉర్రూతలూగించిన బాలయ్య బాబు ఆహా టాక్ షో హోస్ట్ గా తనదైన శైలిలో పంచ్‌లతో, కామెడీతో, భావోద్వేగాలను రంగరిస్తూ ఓటీటీ అభిమానుల మనసును సైతం చూరగొన్నాడు. ప్రపంచ వ్యాప్తంగా అభిమానులను సంపాదించాడు.
