మన్యం న్యూస్,గార్ల.: గార్ల మండలం మద్దివంచ గ్రామానికి చెందిన బిఆర్ఎస్ గ్రామశాఖ అధ్యక్షులు మల్లం నరేష్ అనారోగ్యానికి గురై మహబూబాబాద్ ఏరియా ఆసుపత్రిలో చేరి చికిత్స తీసుకుంటున్నారు. ఈ విషయం తెలుసుకున్న ఇల్లందు శాసనసభ్యురాలు హరిప్రియ హరిసింగ్ నాయక్ ఆసుపత్రికి చేరుకొని మల్లం నరేష్ ను పరామర్శించారు. అనంతరం ఆసుపత్రి సూపరింటెండెంట్ ని వివరాలు అడిగి తెలుసుకుని మెరుగైన చికిత్స అందించాలని సూచించారు. నరేష్ త్వరగా కోలుకొని పూర్తి ఆరోగ్యంతో పార్టీ కార్యక్రమాలలో చురుకుగా పాల్గొనాలని ఎమ్మెల్యే ఆకాంక్షించారు. అదేవిధంగా నరేష్ కుటుంబానికి అండగా ఉంటానని, అధైర్యపడవద్దు అని వారి కుటుంబసభ్యులకు తెలియజేశారు.ఈ కార్యక్రమంలో బిఆర్ఎస్ మండల అధ్యక్షులు గంగావత్ లక్ష్మణ్ నాయక్, రైతుబందు సమితి అధ్యక్షులు పానుగంటి రాధాకృష్ణ, ఎంపీటీసీ శీలంశెట్టి రమేష్, కో ఆప్షన్ సభ్యులు ఖదీర్ బాబా, నాయకులు తదితరులు పాల్గొన్నారు.
