అద్దె బస్సుల డ్రైవర్ల, హెల్పర్ల వేతనాలు పెంచాలి .
– కనీస వేతనం రూ.26,000 ఇవ్వాలి .
— సీఐటీయూ డిమాండ్
మన్యం న్యూస్ భద్రాద్రి కొత్తగూడెం జిల్లా ప్రతినిధి
:ఆర్టీసీ సంస్థలో పనిచేస్తున్న అద్దె బస్సులు డ్రైవర్లు హెల్పర్లకు కనీస వేతనం రూ.26 వేలు ఇవ్వాలని సిఐటియు జిల్లా సహాయ కార్యదర్శి డి వీరన్న, జిల్లా కమిటీ సభ్యులు భూక్యా రమేష్ ప్రభుత్వాన్ని డిమాండ్ చేశారు. స్థానిక కొత్తగూడెం డిపో హైర్ బస్ డ్రైవర్స్& హెల్పర్స్ యూనియన్ అధ్వర్యంలో గోడ ప్రతులు (వాల్ పోస్టర్స్) విడుదల చేయడం జరిగింది.. ఈ కార్యక్రమంలో వీరన్న, రమేష్ మాట్లాడుతూ ఆర్టీసీ సంస్థలో పనిచేస్తున్న పర్మినెంట్ ఉద్యోగస్తులకు సమానంగా పనిచేస్తున్న అద్దె బస్సు డ్రైవర్లకు తక్కువ వేతనాలు ఉన్నాయని కనీస వేతన అమలు చేయాలని డిమాండ్ చేశారు. పర్మినెంట్ కార్మికులు, కాంట్రాక్టు కార్మికుల శ్రమ ఒకటే అయినప్పుడు వేతనాలు ఎందుకు తేడా చేస్తున్నారొ ప్రభుత్వం సమాధానం చెప్పాలని కోరారు. యూనియన్లు పెట్టొద్దని, కార్మికుల హక్కుల కోసం పోరాటం చేయొద్దని, ఒకవైపు బిజెపి ప్రభుత్వం మరోవైపు టిఆర్ఎస్ ప్రభుత్వం కార్మికులపై నిర్బంధాలను ప్రయోగించి ఉద్యమాలను విచ్చిన్నం చేస్తున్నారన్నరు. కార్మిక హక్కులు కాల రాస్తున్నారని ఆయన విమర్శించారు. కేంద్ర ,రాష్ట్ర ప్రభుత్వ విధానాలపై కార్మిక వర్గం ఐక్యంగా ఉద్యమించాలని పిలుపునిచ్చారు . అద్దె బస్సు కార్మికులకు వేతనాలు పెంచే వరకు దశలవారు ఉద్యమాలు నిర్మిస్తామని తెలిపారు . కార్మికుల పక్షాన సీఐటీయూ నికరంగా పోరాటం చేస్తుందని తెలిపారు.
ఈ కార్యక్రమంలో సిఐటియు, హెర్ బస్ అధ్యక్ష కార్యదర్శులు సైదులు, నరసింహా , కోశాధి కారి గిరిబాబు, సంఘం సభ్యులు అందరు పాల్గొన్నారు
