మన్యం న్యూస్ భద్రాద్రి కొత్తగూడెం జిల్లా ప్రతినిధి
భద్రాద్రి కొత్తగూడెం జిల్లా నుంచి సివిల్ సర్వీసెస్లో ర్యాంకు సాధించిన గ్రందె సాయికృష్ణను జిల్లా కలెక్టర్ అనుదీప్ మంగళవారం కలెక్టర్ ఛాంబర్ లో సివిల్స్ 293వ ర్యాంకు సాధించిన ఆయనను కుటుంబ
సభ్యులను ఆయన సత్కరించారు. ఈ సందర్భంగా ఆయన మాట్లాడుతూ సివిల్స్ ర్యాంకు సాధించి ఈ ప్రాంత విద్యార్థులకు ఆదర్శంగా నిలిచారని చెప్పారు. కోచింగ్ లేకుండా ఈ ఘనత సాధించడం చాలా హర్షణీయమని అన్నారు.తల్లిదండ్రులు పిల్లలు అభివృద్ధిలోకి రావాలని ఎంతో కష్టపడతారని వారి కలలను సాకారం చేశారని కొనియాడారు.
తల్లిదండ్రులు ప్రోత్సాహం వల్లనే జీవితంలో ఏదైనా సాధించగలమని తెలిపారు. తాను విఫలమైన రోజుల్లో తల్లిదండ్రులు ఎంతో ప్రేరణనిచ్చారని, ధైర్యాన్ని అందించారని వారి ప్రోత్సాహం వల్లనే తాను సాధించగలిగినట్లు చెప్పారు. నాలుగు
సార్లు విఫలమైనా పట్టుదలతో కష్టం వచ్చినా తట్టుకుని ప్రయత్నం చేసి విజయం సాధించారని చెప్పారు. సాధించాలన్న తపన, పట్టుదల, ఆసక్తి ఉండాలని, బలవంతంగా పట్టుబడితే రాదని చెప్పారు. మెయిన్స్ కు ఏ విధంగా సన్నద్ధం
అవుతున్నారని అడిగి తెలుసుకుని సలహాలు, సూచనలు అందించారు. పేద ప్రజలకు సేవలందించే పోస్టును ఎన్నుకున్నారని,ప్రజా జీవితంలోకి రాబోతున్నందుకు చాలా సంతోషంగా ఉందని తెలిపారు. సివిల్స్ పరీక్షకు లక్షల మంది పోటీ
పడుతున్నారని, పోటీలో మంచి ర్యాంకు సాధించారని ఆనందం వ్యక్తం చేశారు. పోస్టు ఏదన్నది ముఖ్యం కాదని, ప్రభుత్వంలో ఎన్నోమంచి పోస్టులున్నాయని, సమాజంలో మంచి గౌరవం సాధించి భద్రాద్రి జిల్లాకు మంచి పేరు ప్రఖ్యాతులు తీసుకురావాలని
ఆయన ఆకాంక్షించారు.సివిల్ సర్వీసెస్లో ర్యాంకు సాధించిన గ్రందె సాయికృష్ణ మాట్లాడుతూ చిన్నతనం నుంచి సివిల్స్ సాధించాలని కోరిక ఉండేదని చెప్పారు. ఎలాంటి కోచింగ్ లేకుండా ఆన్లైన్ ద్వారా సేకరించిన సమాచారంతో సన్నద్దమైనట్లు
చెప్పారు. కొత్తగూడెం పట్టణంలోని సూర్యోదయ పాఠశాలలో విద్యాభ్యాసం జరిగిందని చెప్పారు. కేరళలోని కాలికాట్లో మెకానికల్ ఇంజనీరింగ్ విద్యను పూర్తి చేసినట్లు చెప్పారు. సివిల్స్ సాధించడంలో తమ్ముడు సాకేట్ ఎంతో ప్రోత్సహించారని
అన్నారు. ముంబాయి, హైదరాబాదులో టూలింగ్ ఇంజనీర్గా పనిచేశానని చెప్పారు. తమ కుమారుడు ర్యాంకుసాధించడం పట్ల చాలా సంతోషంగా ఉన్నట్లు తల్లిదండ్రులు నాగలక్ష్మి, శ్రీనివాసరావు తెలిపారు.
అనంతరం జిల్లా కలెక్టర్ కుటుంబ సభ్యులను శాలువా, మెమెంటోలతో ఘనంగా సత్కరించారు.
