మన్యం న్యూస్, దుమ్ముగూడెం నవంబర్ 20::
నవంబర్ 30న జరిగే అసెంబ్లీ ఎన్నికల్లో కారు గుర్తుపై ఓటేసి నన్ను గెలిపిస్తే మీ సమస్యలన్నీ తీరుస్తానని భద్రాచలం బీఆర్ఎస్ పార్టీ ఎమ్మెల్యే అభ్యర్థి డాక్టర్ తెల్లం వెంకట్రావు అన్నారు. సోమవారం మండలంలోని ఎన్నికల ప్రచార లో భాగంగా మారుమూల ఏజెన్సీ గ్రామాలైన కోయ నర్సాపురం చెరుపల్లి కొత్తపల్లి రామచంద్రుని పేట నడికుడి అచ్చుతాపురం తదితర గ్రామాలలో ఎన్నికల ప్రచారం నిర్వహించి ప్రజా సమస్యలు తెలుసుకున్నారు. ఈ సందర్భంగా పంట పొలాల్లో పని చేసుకుంటున్నా రైతులు కూలీల వద్దకు వెళ్లి వారి సమస్యలు తెలుసుకుంటూ నేను గెలిచిన వచ్చిన వెంటనే అన్ని సమస్యలు పరిష్కరిస్తానని రైతుల కోసం ప్రతి మండలంలో కోల్డ్ స్టోరేజ్ ఏర్పాటుకు కృషి చేస్తానని వారికి హామీ ఇచ్చారు. మీ సమస్యలన్నీ పరిష్కారం కావాలంటే కారు గుర్తుపై ఓటేసి నన్ను అధిక మెజారిటీతో గెలిపించాలని ఓటర్లను కోరారు. అనంతరం చెరిపెల్లి గ్రామంలో కాక వారి గుంపు నుండి టిఆర్ఎస్ పార్టీ సంక్షేమ పథకాలు అభివృద్ధికి ఆకర్షితులై మండల అధ్యక్షులు సత్యాలు ఆధ్వర్యంలో 40 కుటుంబాలు బి ఆర్ ఎస్ లో చేరారు. వారికి ఎమ్మెల్యే అభ్యర్థి తెల్లం పార్టీ జెండా కప్పి సాధారణంగా ఆహ్వానించారు.అనంతరం మండలంలోని నడికుడి గ్రామం లో 100 మంది ఆదివాసి పాస్టర్లు బీఆర్ఎస్ ఎమ్మెల్యే అభ్యర్థి తెల్లం పూర్తి మద్దతు తెలిపారు. ఈ సందర్భంగా పాస్టర్ తో మాట్లాడిన వెంకట్రావు స్థానికంగా వారికున్న ఇబ్బందులు తెలుసుకొని సమస్యలు పరిష్కరిస్తానని అన్నారు నడికుడి, అచ్యుతాపురం గ్రామంలో బి ఆర్ ఎస్ కార్యకర్త మరణించడంతో వారి కుటుంబాన్ని పరామర్శించి సంతాపం తెలిపారు. ఈ కార్యక్రమంలో బీఆర్ఎస్ పార్టీ మండల కార్యదర్శి కనితి రాముడు, ఎంపీపీ రేసు లక్ష్మి, ఎంపీటీసీ తిరుపతిరావు, అధికార ప్రతినిధి ఎండి జానీ పాషా, ఎండి నవాబ్ ఉబ్బ వేణు ముర్రం వీరభద్రం రేసు శీను కల్లూరి అదినారాయణ తదితరులు పాల్గొన్నారు.
