వన్‌ప్లస్‌ మాత్రం కాస్త భిన్నమైన ఫీచర్లు కలిగిన ఫోన్లను తయారు చేసే పనిలో పడింది. అందులో భాగంగానే వన్‌ప్లస్‌ త్వరలో కనిపించని (ఇన్విజిబుల్‌) కెమెరాలు కలిగిన ఫోన్లను విడుదల చేయనుంది. మొబైల్స్‌ తయారీదారు వన్‌ప్లస్‌ తాజాగా విడుదల చేసిన ఓ టీజర్‌లో తన కొత్త ఫోన్లలో అందివ్వనున్న ఇన్విజిబుల్‌ కెమెరా ఫీచర్‌ను పరిచయం చేసింది. సదరు కెమెరాలు ఫోన్‌ వెనుక భాగంలో ఓ పారదర్శక గ్లాస్‌ కింద ఉంటాయని మనకు టీజర్‌ను చూస్తే తెలుస్తుంది. ఈ క్రమంలో యూజర్‌ ఫోన్‌లో కెమెరా యాప్‌ను ఓపెన్ చేయగానే వెనుక భాగంలో ఉండే పారదర్శక గ్లాస్‌ ఓపెన్ అవుతుంది. అనంతరం కెమెరాలు దర్శనమిస్తాయి. ఆ తరువాత వాటితో ఫొటోలు, వీడియోలు తీసుకోవచ్చు. అయితే ఈ ఫోన్‌కు సంబంధించి ఇతర వివరాలను మాత్రం వన్‌ప్లస్‌ ఇంకా వెల్లడించలేదు. కానీ ఈ ఫోన్‌ను వన్‌ప్లస్‌ జనవరి 7 నుంచి 10వ తేదీ వరకు జరగనున్న కన్‌జ్యూమర్‌ ఎలక్ట్రానిక్స్‌ షో (సీఈఎస్‌) 2020లో ప్రదర్శించనుంది. అందులో ఈ ఫోన్‌కు సంబంధించిన పూర్తి వివరాలను వన్‌ప్లస్‌ వెల్లడించనుంది.
( ఈ వార్త / వెబ్ పేజ్ నందు ఉపయోగించిన ఇమేజ్/ఛాయాచిత్రాలు గూగుల్ ఓపెన్ సోర్స్ నుండి తెసుకోనబడెను . )
credit: third party image reference
