కాచనపల్లి గ్రామంలో అరుణోదయ శిక్షణ కేంద్రం.

మన్యం న్యూస్ గుండాల: మండలం పరిధిలోని కాచనపల్లి గ్రామంలో అరుణోదయ శిక్షణ కేంద్రాన్ని ప్రారంభించామని సిపిఐ ఎంఎల్ మాస్ లైన్ మండల కార్యదర్శి కొమరం శాంతయ్య, పి వై ఎల్ రాష్ట్ర కార్యదర్శి వాంకుడోత్ అజయ్ అన్నారు. అనంతరం వారు మాట్లాడుతూ ఖమ్మం నగరంలో జరిగే భారీ బహిరంగ సభ కోసం డప్పు డాన్స్ శిక్షణ కేంద్రాన్ని ప్రారంభించామని అన్నారు. వేలాది మందితో భారీ బహిరంగ సభ నిర్వహిస్తున్నందున కళాకారులకు ప్రాధాన్యం ఉంటున్నందున వారికి శిక్షణ కార్యక్రమాన్ని నిర్వహిస్తున్నట్లు వారు పేర్కొన్నారు. ఈ కార్యక్రమంలో నాయకులు వెంకన్న, చంద్రన్న, మంగయ్య, ఆజాద్, కృష్ణ, గణేష్ , లక్ష్మయ్య, శ్రవణ్ తదితరులు పాల్గొన్నారు