అదనపు నీటి బరువును శరీరాన్ని ఇబ్బందులకు గురిచేస్తుంది. ఉబ్బిపోయినట్లు కనిపించేలా చేస్తుంది. శరీర భాగాల్లో నీరు నిల్వ ఉండిపోయి.. చూడటానికి అంత మంచిగా కనిపించదు. అయితే దీనిని వదలించుకోవడంవల్ల ఉబ్బరం తగ్గడంతో పాటు.. ఇతర ప్రయోజనాలను కూడా పొందవచ్చు. మీరు నీరసంగా భావించే అదనపు నీటి బరువును కోల్పోవడం వల్ల మీ శరీరంలో శక్తి స్థాయిలు పెరుగుతాయి. మీరు కనీసం 1-2 కిలోలు తగ్గిపోతారు. ఫలితంగా మీరు చిన్నగా, ఫిట్గా కనిపిస్తారు. అంతేకాకుండా నీటి బరువును తగ్గించుకున్న తర్వాత కండరాల పెరుగుదల ఉంటుంది. అయితే సహజంగా నీటి బరువును ఎలా తగ్గించుకోవచ్చో ఇప్పుడు తెలుసుకోండి. ఉప్పు తీసుకోవడం తగ్గించండి ఉప్పు లేదా సోడియం ఎక్కువగా తీసుకోవడం వల్ల శరీరంలో నీరు నిలిచిపోతుంది. కాబట్టి మీ రోజువారీ ఆహారంలో ఉప్పు, సోడియం తీసుకోవడం తగ్గించండి. తక్కువ ప్రాసెస్ చేసిన మాంసం, సాల్టెడ్ సీడ్స్, నట్స్, ఊరగాయలు, ప్యాక్ చేసిన సూప్, సాస్‌లను తగ్గించండి. ఎందుకంటే వీటిలో సోడియం లెవెల్స్ ఎక్కువగా ఉంటాయి.
పోషకాలు ఎక్కువగా ఉండే భోజనం తినండి ఇన్సులిన్ అనే హార్మోన్ కార్బోహైడ్రేట్ల ద్వారా పెరుగుతుంది. ఇన్సులిన్ మూత్రపిండాలలో ఉప్పు నిలుపుదల, నీటి పునశోషణను పెంచుతుంది. కాబట్టి కార్బోహైడ్రేట్‌లను ప్రోటీన్, ఫైబర్, మెగ్నీషియం, పొటాషియం వంటి ఆరోగ్యకరమైన ఖనిజాలతో కూడిన ఆహారాలతో భర్తీ చేయండి. డార్క్ చాక్లెట్, బాదం, తృణధాన్యాలు, ఆకుకూరలు ఎక్కువగా తీసుకోండి. పొటాషియం పెంచండి మీ శరీరంలోని ఉప్పు, నీటి నిష్పత్తిని పొటాషియం ద్వారా సమతుల్యం చేయవచ్చు. ఇది నీటి నిలుపుదలని తగ్గించడంలో సహాయపడుతుంది. ఆకు కూరలు, బీన్స్, బాదం, పాల ఉత్పత్తులు, పిండి కూరగాయలు.. పొటాషియం ఉన్న పండ్లు, కూరగాయలకు ఉదాహరణలు. హైడ్రేట్గా ఉండండి.. మీ శరీరం తగినంత నీటిని తీసుకోవడం వల్ల మీ మూత్రపిండాలు.. మిగిలిన నీరు, సోడియంను తొలగించడంలో సహాయపడతాయి. మీరు క్రమం తప్పకుండా వ్యాయామం చేస్తూ.. వెచ్చని, తేమతో కూడిన ప్రాంతంలో నివసిస్తుంటే.. నిర్జలీకరణం, నీరు నిలుపుదలని నివారించడానికి మీరు ప్రతిరోజూ ఎనిమిది గ్లాసుల కంటే ఎక్కువ నీటిని తీసుకోవాలి. వ్యాయామం వ్యాయామం శరీరంలో రక్త ప్రవాహాన్ని మెరుగుపరుస్తుంది. చేతులు, కాళ్లు, పాదాలు, ముఖంలోని నీరుని తగ్గిస్తుంది. రెగ్యులర్ వ్యాయామం చెమట ద్వారా అదనపు నీటి బరువును తొలగించడానికి మిమ్మల్ని అనుమతిస్తుంది. ప్రతి గ్రాము గ్లైకోజెన్‌తో నిల్వ ఉంటుంది. అదనపు నీటిని శరీరం నుంచి బయటకు పంపిస్తుంది. డి-స్ట్రెస్ ADH లేదా యాంటీ-డ్యూరెటిక్ హార్మోన్ ఉత్పత్తిని నియంత్రించే బాధ్యత వహించే కార్టిసాల్ ఒత్తిడికి ప్రతిస్పందనగా ఎక్కువ మొత్తంలో విడుదలవుతుంది. ఒత్తిడిని తగ్గించుకోవడం వల్ల కార్టిసాల్, ADHలను సరైన స్థాయిలో ఉంచుతుంది. ఇది ద్రవ సమతుల్యతను నియంత్రిస్తుంది. నీటి నిలుపుదలని నివారిస్తుంది. ఎలక్ట్రోలైట్స్ వినియోగించండి శరీరంలో ఎలక్ట్రోలైట్ బ్యాలెన్స్ క్షీణిస్తే నీటి బరువు అభివృద్ధి చెందుతుంది. మెగ్నీషియం, పొటాషియం వంటి ఎలక్ట్రోలైట్‌లను తీసుకోవడం వల్ల నీరు నిలుపుదల తగ్గుతుంది. ఆరోగ్యకరమైన ద్రవ సమతుల్యతను కాపాడుకోవడంలో సహాయపడుతుంది. తగినంత నిద్ర అవసరం.. ఆరోగ్యకరమైన నిద్ర.. మీ శరీరంలోని నీటి నిలుపదలను తగ్గిస్తుంది. ప్రతి రాత్రి కనీసం 8 నుంచి 9 గంటల నిద్ర పొందండి. దీనివల్ల మీ బరువు కంట్రోల్లో ఉంటుంది. నీరు శరీరం నుంచి బయటకు వచ్చేస్తుంది. కెఫిన్ చేర్చుకోండి.. టీ, కాఫీలలో లభించే కెఫిన్.. శరీరంపై క్లుప్తమైన మూత్రవిసర్జన ప్రభావాన్ని కలిగి ఉంటుంది. అదనపు నీటిని శరీరం నుంచి తొలగించడంలో సహాయం చేస్తుంది. కెఫీన్ మిమ్మల్ని మరింత తరచుగా, అత్యవసరంగా మూత్ర విసర్జన చేసేలా చేస్తుంది. ఎక్కువగా తీసుకుంటే మీ శరీరం డీహైడ్రెట్ అయ్యే ఛాన్స్ ఉంది. సప్లిమెంట్స్ తీసుకోండి.. మెగ్నీషియం ఆక్సైడ్, విటమిన్ B-6.. నీటి నిలుపుదల కోసం రెండు సహజ చికిత్సలు. ఈ సప్లిమెంట్లు శరీరంలోని అదనపు ఉప్పు, నీటిని తొలగించడంలో మూత్రపిండాలకు సహాయం చేస్తాయి. పలు అధ్యయనాల ప్రకారం.. ఈ రెండు విటమిన్లు నీటి నిలుపుదల వంటి ప్రీమెన్‌స్ట్రల్ సిండ్రోమ్ (PMS) లక్షణాలను తగ్గించడంలో ప్రత్యేకించి సమర్థవంతంగా పనిచేస్తాయి. అవి రొమ్ము నొప్పి, కాళ్ళ వాపు, పొత్తికడుపు ఉబ్బరాన్ని తగ్గించడంలో సహాయపడతాయి. ఏదైనా కొత్త సప్లిమెంట్లను తీసుకునే ముందు.. వైద్యుడిని సంప్రదించడం చాలా ముఖ్యం. ఇలా పలు టిప్స్ పాటించడం ద్వారా మీరు మీ శరీరం నుంచి నీటిని తొలగించుకోవచ్చు.
