ఆరోగ్యానికి మేలు చేసే బ్రేక్ఫాస్ట్తో రోజును ప్రారంభిస్తే ఎంత మంచిది. అంతేకాకుండా ఈ స్మూతీ మీ చర్మానికి, జుట్టుకు మంచి సంరక్షణ ఇస్తుంది. దీనిని డైలీ తీసుకోవడం వల్ల మీ స్కిన్ క్లియర్ అవుతుంది. మీ శరీరీరం డిటాక్స్ అవుతుంది. జుట్టు రాలడం సమస్య కచ్చితంగా కంట్రోల్ అవుతుంది అంటున్నారు నిపుణులు. ఇంతకీ ఆ స్మూతీ ఏంటి అనుకుంటున్నారా? అదే సెక్సీ స్పినాచ్ స్మూతీ. మరి దీనిని ఎలా తయారు చేసుకోవాలో.. కావాల్సిన పదార్థాలు ఏమిటో ఇప్పుడు తెలుసుకుందాం. కావాల్సిన పదార్థాలు * పాలకూర – 1/2 కప్పు * ద్రాక్ష – 1/2 కప్పు * కీరదోసకాయ – 1/2 కప్పు * నీరు – 1 కప్పు * పుదీనాన – 1/2 కప్పు * చియా సీడ్స్ – 2 స్పూన్స్ (నానబెట్టినవి) తయారీ విధానం కీరదోస ముక్కలు, ద్రాక్ష, పుదీనా, పాల కూరను బ్లెండర్లో వేసి మిక్స్ చేయండి. దానిలో నీరు పోసి.. మరోసారి స్మూతీలాగా వచ్చేవరకు బ్లెండ్ చేయండి. దీనిని ఓ గ్లాసులో తీసుకుని.. చియాసీడ్స్తో సర్వ్ చేయండి. ఇది మీ గట్ ఆరోగ్యానికి మాత్రమే కాదు.. మీ చర్మానికి, మీ జుట్టు సంరక్షణకు కూడా చాలా మంచిది. రోజూ ఉదయాన్నే తీసుకుంటే మీరు మెరుగైన ఫలితాలు పొందుతారు.
