కొరటాల శివ దర్శకత్వంలో యంగ్ టైగర్ ఎన్టీయార్ హీరోగా నటించనున్న సినిమాకి హీరోయిన్ ఎవరు.? అన్నదానిపై సస్పెన్స్ కొనసాగుతోంది. అన్నీ అనుకున్నట్లు జరిగి వుంటే, ఎన్టీయార్ సరసన జాన్వీ కపూర్ హీరోయిన్‌గా నటించి వుండేది. కానీ, ‘ఆచార్య’ ఫ్లాప్ నేపథ్యంలో ఎన్టీయార్ – కొరటాల శివ సినిమా పట్టాలెక్కడానికి చాలా సమయం తీసుకుంది. సినిమా ఎప్పుడు సెట్స్ మీదకు వెళుతుంది.? అన్నదానిపై ఇంకా సస్పెన్స్ కొనసాగుతూనే వుంది. రష్మికకి గోల్డెన్ ఛాన్స్.
తాజాగా ఈ సినిమా కోసం రష్మిక పేరు దాదాపు ఖాయమైనట్లు తెలుస్తోంది. అధికారికంగా ఈ విషయాన్ని చిత్ర యూనిట్ త్వరలో అనౌన్స్ చేయబోతోందిట. ఎట్టి పరిస్థితుల్లోనూ జాన్వీ ఈ సినిమాకి డేట్స్ ఇచ్చే ఛాన్స్ లేదనీ, అందుకే రష్మికని చిత్ర యూనిట్ సంప్రదించి ఓకే చేసిందని అంటున్నారు. రష్మిక ప్రస్తుతం తెలుగులో ‘పుష్ప ది రూల్’ సినిమాలో నటించనున్న సంగతి తెలిసిందే. ఈ సినిమా కూడా ఇంకా సెట్స్ మీదకు వెళ్ళలేదు. సంక్రాంతికి రష్మిక నటించిన ‘వారిసు’ విడుదల కాబోతోంది. తెలుగులో దీన్ని ‘వారసుడు’ పేరుతో విడుదల చేస్తున్నారు.
