కోవిడ్ నుంచి భారతదేశాన్ని రక్షించేందుకు ప్రభుత్వాలు చేసిన కృషి ఓ వైపు, ప్రముఖ సినీ నటుడు సోనూసూద్ చేసిన ప్రయత్నం ఇంకో యెత్తు. దేశ ప్రజల్ని ఆదుకునేందుకు చేతనైనంత సాయం చేస్తూ వచ్చాడు సోనూ సూద్.!
కోవిడ్
సమయంలో ‘ఇండియా కా రియల్ హీరో’ అనిపించుకున్నాడు సోనూ సూద్. శక్తికి మించిన సాయం చేయడంలో సోనూ సూద్‌కి సాటి రారు ఎవరూ. సోనూ సూద్‌ని సాయం అడిగితే చాలు, అది ఎలాంటి సాయమైనా అందేది.
ఎలా చేశాడు.? మళ్ళీ సిద్ధమంటున్నాడు.!
ఆస్తులు అమ్మి మరీ సోనూ సూద్, కోవిడ్ పాండమిక్ సమయంలో సామాన్యుల్ని ఆదుకున్నాడు. అతి ఖరీదైన వైద్య చికిత్సలు చేయించాడు.. అవసరమైనవారికి మందుల్ని అందించాడు.. ప్రత్యేక విమానాల్ని ఏర్పాటు చేయించాడు. వాట్ నాట్.? ఉపాధి కోల్పోయినవారికి సైతం సాయం చేశాడు.
ఇప్పుడు మళ్ళీ కోవిడ్ పాండమిక్ భయాలు మొదలైన వేళ,
సోనూ సూద్
తానూ సిద్ధమంటున్నాడు. పాత ఫోన్ నెంబర్లు యాక్టివ్‌గానే వున్నాయనీ, సాయం కోసం ఎవరైనా ఆ నెంబర్‌కి కాల్ చేయొచ్చని సోనూ సూద్ ప్రకటించాడు.
ఎలా.? గతంలోలా సోనూ సూద్ ఇప్పుడేమీ ఎక్కువగా సినిమాలు చేసెయ్యట్లేదు. మరి, సొమ్ములెలా సమకూరుతాయ్.? సేవ చేయాలనుకుంటే.. సొమ్ములు వాటంతటవే సమకూరుతాయ్.
