ఇండియన్ ఆర్మీలో కొత్త అగ్నివీర్ రిక్రూట్‌మెంట్ కోసం ఆన్‌లైన్ దరఖాస్తు ప్రక్రియ 13 ఫిబ్రవరి 2024 నుండి ప్రారంభమవుతుంది. రిక్రూట్‌మెంట్‌పై ఆసక్తి ఉన్న అభ్యర్థులు joinindianarmy.nic.inని సందర్శించడం ద్వారా ఆన్‌లైన్‌లో దరఖాస్తు చేసుకోవచ్చు.
అగ్నివీర్ GD, అగ్నివీర్ క్లర్క్, అగ్నివీర్ టెక్నికల్, అగ్నివీర్ ట్రేడ్స్‌మన్‌తో సహా నాలుగు కేటగిరీలకు ఈ రిక్రూట్‌మెంట్ ఉంటుంది. అగ్నివీరుడు కావాలనుకునే యువతకు ముందుగా ఆన్‌లైన్‌లో రాత పరీక్ష (కామన్ ఎంట్రన్స్ టెస్ట్) నిర్వహిస్తారు. ఆ తర్వాత శారీరక, వైద్య పరీక్ష ఉంటుంది.
అర్హత కలిగిన అభ్యర్థులు ఆధార్ కార్డ్, 10వ తరగతి మెమో డిజిలాకర్ ఖాతాతో లింక్ చేసుకోవాలి. దరఖాస్తుదారుల విద్యా ధృవీకరణ పత్రాలను సంబంధిత బోర్డు డిజిలాకర్‌కు లింక్ చేయాల్సి ఉంటుంది.
అర్హతలు-నియమాలు..
అగ్నివీర్ జనరల్ డ్యూటీ (GD)కి 45 శాతం మార్కులతో 10వ తరగతి ఉత్తీర్ణులై ఉండాలి. ప్రతి సబ్జెక్టులో కనీసం 33 శాతం మార్కులు సాధించడం తప్పనిసరి. డ్రైవర్ రిక్రూట్‌మెంట్‌లో లైట్ మోటార్ వెహికల్ డ్రైవింగ్ లైసెన్స్ ఉన్న అభ్యర్థులకు కూడా ప్రాధాన్యత ఇవ్వబడుతుంది.
అగ్నివీర్ టెక్నికల్ కి సంబంధించి ఫిజిక్స్, కెమిస్ట్రీ, మ్యాథ్స్, ఇంగ్లిష్ సబ్జెక్టుల్లో 50 శాతం మార్కులతో (మొత్తం) 12వ తరగతి ఉత్తీర్ణులై ఉండాలి. ప్రతి సబ్జెక్టులో కనీసం 40 శాతం మార్కులు ఉండాలి.
అగ్నివీర్ క్లర్క్/ స్టోర్ కీపర్ కి సంబంధించి కనీసం 60 శాతం మార్కులతో 12వ తరగతి ఉత్తీర్ణులై ఉండాలి. ఇంగ్లీష్, మ్యాథమెటిక్స్/అకౌంట్స్/బుక్ కీపింగ్‌లో కనీసం 50% మార్కులు సాధించి ఉండాలి.
అగ్నివీర్ ట్రేడ్స్‌మన్ కు 10వ తరగతి ఉత్తీర్ణత ఉత్తీర్ణత అయ్యి ఉండాలి. దరఖాస్తుదారు అన్ని సబ్జెక్టులలో 33 శాతం మార్కులు కలిగి ఉండాలి. అగ్నివీర్ ట్రేడ్స్‌మాన్ 8 తరగతి ఉత్తీర్ణత సాధించి ఉండాలి. దరఖాస్తుదారు అన్ని సబ్జెక్టులలో 33 శాతం మార్కులు కలిగి ఉండాలి. అన్ని పోస్టులకు వయోపరిమితి 17½ సంవత్సరాల నుండి 21 సంవత్సరాలు ఉండాలి.
అగ్నిపథ్ పథకం కింద భారత సైన్యం, నౌకాదళం, వైమానిక దళంలో 4 సంవత్సరాల పాటు సైనికులను నియమిస్తారనే విషయం తెలిసిందే. 4 సంవత్సరాల తరువాత, 75 శాతం మంది సైనికులను ఇంటికి పంపుతారు. మిగిలిన 25 శాతం అగ్నిమాపక సిబ్బందిని శాశ్వత సైనికులుగా నియమిస్తారు.
