తమిళ చిత్రం అసురన్ కి రీమేగా రూపొందిన నారప్ప చిత్రం డైరెక్టర్ ఓటిటి ద్వారా ప్రేక్షకుల ముందుకు వచ్చిన విషయం తెలిసిందే. విక్టరీ వెంకటేష్ ని విభిన్నమైన కోణంలో చూపించిన నారప్ప సినిమా ను థియేటర్ లో చూడలేక పోయాం అంటూ ఆయన అభిమానులు అసంతృప్తి వ్యక్తం చేస్తున్నారు. శ్రీకాంత్ అడ్డాల దర్శకత్వంలో తెరకెక్కి మంచి విజయాన్ని సొంతం చేసుకున్న నారప్ప ను థియేటర్ లో చూసే అవకాశంను సురేష్ బాబు కల్పించబోతున్నారు. వచ్చే వారం తెలుగు రాష్ట్రాల్లో ఈ సినిమా ను భారీ ఎత్తున విడుదల చేయబోతున్నట్లుగా ఆయన పేర్కొన్నాడు.
నారప్ప సినిమా థియేటర్ లో విడుదల చేయాలంటూ ఆ మధ్య కాలం లో వెంకటేష్ అభిమానులతో పాటు సినీ ప్రేక్షకులు సోషల్ మీడియా ద్వారా ఆందోళన వ్యక్తం చేశారు. కానీ సురేష్ బాబు అప్పటికే సినిమాను అమెజాన్ కి అమ్మేయడం వల్ల థియేటర్ రిలీజ్ చేయలేక పోయాడు. ఇప్పుడు నారప్ప ను థియేటర్ రిలీజ్ చేయబోతున్నాడు. రెండు లేదా మూడు రోజుల పాటు ఈ సినిమాకు మంచి కలెక్షన్స్ నమోదు అయ్యే అవకాశం ఉందని అంటున్నారు. వారం రోజుల పాటు ఈ సినిమా వందల కొద్ది థియేటర్లలో ఉంటుందని సమాచారం అందుతుంది. మరి థియేటర్లలో ఈ సినిమాను చూస్తారా అనేది చూడాలి.
