పోడు భూముల సాగుదారులందరికీ హక్కు పత్రాలు ఇస్తాం

మన్యం న్యూస్,చండ్రుగొండ:
మండల కాంగ్రెస్ పార్టీ అధ్యక్షుడు దారం గోవిందరెడ్డి ఆధ్వర్యంలో ములకలపల్లిజడ్పిటిసి,టీపీసీసీ మెంబర్ సున్నం నాగమణి ఆదివారం విస్తృతంగా పర్యటించారు . ఈ సందర్భంగా ఆమె మాట్లాడుతూ తమ ప్రభుత్వం అధికారంలోకి వస్తే పోడు భూముల సాగుదారులందరికీ హక్కు పత్రాలు ఇస్తాం అన్నారు . ఆమె ఆదివారం వెంకట తండా, రవికంపాడు పంచాయతీలలో విస్తృతంగా పర్యటించింది. కాంగ్రెస్ ప్రభుత్వం ఏర్పడిన వెంటనే ఏకకాలంలో రూ.2 లక్షల రైతు రుణమాఫీ చేస్తాo , పోడు భూముల సాగుదారులందరికీ హక్కు పత్రాలు ఇస్తామని , సొంత స్థలాలలో అర్హులకు ఇందిరమ్మ ఇల్లు నిర్మాణం చేస్తామని అన్నారు. వరంగల్ రైతు డిక్లరేషన్ కూడా వివరిస్తూ గ్రామాలలో పర్యటించడం జరిగింది . వెంకట తండా గ్రామంలో మౌలిక సదుపాయాలు సరిగా లేవని , వీధిలో ఉన్న కరెంటు స్తంభాలు రోడ్డు మీదే ఉన్నాయని నా దృష్టికి తెలియపరిచిన వెంటనే కరెంట్ డిఈ తో మాట్లాడటం జరిగింది.ఈ సందర్భంగా కరెంట్ డిఈ సానుకూలంగా స్పందించినట్లు ఆమె అన్నారు . ఈ కార్యక్రమంలో చీకటి శ్రీనివాసరావు జిల్లా కిసాన్ సెల్ ప్రధాన కార్యదర్శి , రెడ్డి పోగుల సురేష్ , మద్దిబోని సీతారాములు, మద్దిబోని పుల్లయ్య ,రంగిశెట్టి రాము , కుంచపు కాశి, బానోతు వీరన్న , బానోత్ సత్యం, గ్రామ ప్రజలు తదితరులు పాల్గొన్నారు.