పవర్ స్టార్‌ పవన్ కళ్యాణ్ హీరోగా ప్రస్తుతం పలు సినిమాలు రూపొందుతున్నాయి. ప్రతి సినిమా కూడా భారీ అంచనాలతో రూపొందుతున్న విషయం తెల్సిందే. అయితే సాహో సుజీత్ దర్శకత్వంలో రూపొందుతున్న ‘ఓజీ’ విషయంలో మాత్రం అభిమానుల్లో ఇంకాస్త ఎక్కువ అంచనాలు ఉన్నాయి. సాహో సినిమాలో ప్రభాస్ ను విభిన్నంగా చూపించిన దర్శకుడు సుజీత్ విమర్శకుల ప్రశంసలు దక్కించుకున్నాడు.
అందుకే పవన్ కళ్యాణ్ ను కూడా అదే తరహాలో చూపిస్తాడని ఫ్యాన్స్ నమ్ముతున్నారు. ప్రస్తుతం ముంబై లో చిత్రీకరణ జరుపుకుంటున్న సినిమా డ్రగ్స్ మాఫియా నేపథ్యంలో రూపొందుతున్నట్లుగా తెలుస్తోంది. మాఫియా డాన్ గా పవన్ కళ్యాణ్ కనిపిస్తాడని.. అదే సమయంలో డ్రగ్స్ మాఫియాతో పవన్ కళ్యాణ్ యాక్షన్‌ సన్నివేశాలు సినిమాకు ప్రధాన ఆకర్షణగా ఉంటాయని కూడా సమాచారం అందుతోంది. మొత్తానికి ఈ సినిమా పై అంచనాలు ఆకాశాన్ని తాకేలా ఉన్నాయి. డ్రగ్స్ మాఫియా నేపథ్యంలో రూపొందుతున్న ఈ సినిమాను వచ్చే ఏడాది సమ్మర్ లో విడుదల చేసే విధంగా ప్లాన్‌ చేస్తున్నారట.
