నిలువెత్తు నిదర్శనం!
* యాష్ ట్యాంకర్ తొలగింపుకు చర్యలేవి
* రైల్వే అండర్ బ్రిడ్జితో ఇబ్బందులు
* ఐదు రోజులు అవుతున్న కానరాని స్పందన
* ఆగ్రహం వ్యక్తం చేస్తున్న ప్రజాసంఘాల నేతలు
మన్యం న్యూస్ భద్రాద్రి కొత్తగూడెం బ్యూరో:
ఈనెల 13వ తేదీన అర్ధరాత్రి రైల్వే అండర్ బ్రిడ్జి మధ్యలో జరిగిన రోడ్డు ప్రమాదంలో ఇద్దరు మరణించిన విషయం తెలిసింది. పాల్వంచ నుండి వస్తున్న యాష్ ట్యాంకర్ రైల్వే అండర్ బ్రిడ్జి వద్దకు రాగానే అటుగా వస్తున్న ఇద్దరు వ్యక్తులపై పడి వారి మరణానికి కారణమైంది.
అయితే అండర్ బ్రిడ్జిలో బోల్తా పడిన యాష్ ట్యాంకర్ ను నేటి వరకు తొలగించకపోవడం పట్ల అధికారులలో నిర్లక్ష్యం నిలువెత్తు నిదర్శనం స్పష్టంగా కనిపిస్తుందని ప్రజలు ఆగ్రహం వ్యక్తం చేస్తున్నారు. ఐదు రోజులు కావస్తున్న ట్యాంకర్ ను తొలగించే విషయంలో ఎవరి నిర్లక్ష్యం ఉందో అర్థం కావడం లేదని పలువురు ప్రశ్నిస్తున్నారు. నిత్యం రద్దీగా ఉండే ఈ ప్రాంతంలో అడ్డంగా ఉన్న ట్యాంకర్ వల్ల ఇటు ద్విచక్ర వాహనదారులు అటు నడక సాగించే వారు తీవ్ర ఇబ్బందులు పడుతున్నారు. ఇప్పటికైనా సంబంధిత అధికారులు స్పందించి అడ్డుగా ఉన్న యాష్ ట్యాంకర్ ను తొలగించే విధంగా చర్యలు తీసుకోవాలని ప్రజాసంఘాల నాయకులు డిమాండ్ చేస్తున్నారు.
